Posted by: Bagewafa | نومبر 23, 2014

फकीराना आये सदा कर चले……मीर तकी मीर فقیرانہ آئے صدا کرچلے۔۔۔۔۔ میر تقی میر

فقیرانہ آئے صدا کرچلے۔۔۔۔۔ میر تقی میر

۔
فقیرانہ آئے صدا کرچلے
میاں خوش رہو ہم دعا کر چلے

جو تجھ بِن نہ جینے کو کہتے تھے ہم
سو اُس عہد کو اب وفا کر چلے

شفا اپنی تقدیر ہی میں نہ تھی
کہ مقدور تک تو دوا کر چلے

وہ کیا چیز ہے آہ جس کے لیے
ہر اک چیز سے دل اُٹھا کر چلے

کوئی ناامیدانہ کرتے نگاہ
سو تم ہم سے منہ بھی چُھپا کر چلے

بہت آرزو تھی گلی کی تری
سو یاں سے لہو میں نہا کر چلے

دکھائی دیے یوں کہ بے خود کیا
ہمیں آپ سے بھی جدا کر چلے

جبیں سجدہ کرتے ہی کرتے گئی
حقِ بندگی ہم ادا کر چلے

پرستش کی یاں تک کہ اے بُت تجھے
نظر میں سبھوں کی خدا کر چلے

نہ دیکھا غمِ دوستاں شکر ہے
ہمیں داغ اپنا دکھا کر چلے

گئی عمر در بندِ فکرِ غزل
سو یہ کام ایسا بڑا کر چلے

کہیں کیا جو پوچھے کوئی ہم سے میر
جہاں میں تم آئے تھے کیا کر چلے

फकीराना आये सदा कर चले……मीर तकी मीर

फ़कीराना आए सदा कर चले
मियां ख़ुश रहो हम दुआ कर चले

जो तुझ बिन न जीने को कहते थे हम
सो इस अहद को अब वफ़ा कर चले

कोंई ना -उम्मीदाना करते निग़ाह
सो तुम हम से मुंह भी छिपा कर चले

बहुत आरज़ू थी ग़ली की तेरी
सो यां से लहू में नहा कर चले

दिखाई दिए यूँ कि बेखुद किया
हमें आप से भी जुदा कर चले

जबीं सज़दा करते ही करते गई
ह़क-ऐ -बंदगी हम अदा कर चले

गई उम्र दर बंद-ऐ-फ़िक्र-ऐ-ग़ज़ल
सो इस फन को एहसास बऱा कर चले

कहें क्या जो पूछे कोई हम से "मीर”
जहान में तुम आये थे, क्या कर चले

Advertisements

زمرے

%d bloggers like this: