Posted by: Bagewafa | ستمبر 4, 2017

जुगनू۔۔۔۔۔ अल्लामा मुहम्मद इक़बाल جگنو….علامہ محمد اقبال

جگنو….علامہ محمد اقبال

 .

جگنو کی روشنی ہے کاشانۂ چمن ميں

 يا شمع جل رہی ہے پھولوں کی انجمن ميں

آيا ہے آسماں سے اڑ کر کوئی ستارہ

 يا جان پڑ گئی ہے مہتاب کی کرن ميں

 يا شب کی سلطنت ميں دن کا سفير آيا

 غربت ميں آ کے چمکا، گمنام تھا وطن ميں

 تکمہ کوئی گرا ہے مہتاب کی قبا کا

 ذرہ ہے يا نماياں سورج کے پيرہن ميں

 حسن قديم کی يہ پوشيدہ اک جھلک تھی

 لے آئی جس کو قدرت خلوت سے انجمن ميں

 چھوٹے سے چاند ميں ہے ظلمت بھی روشنی بھی

 نکلا کبھی گہن سے، آيا کبھی گہن ميں

 پروانہ اک پتنگا، جگنو بھی اک پتنگا

 وہ روشنی کا طالب، يہ روشنی سراپا

 ہر چيز کو جہاں ميں قدرت نے دلبری دی

 پروانے کو تپش دی، جگنو کو روشنی دی

 رنگيں نوا بنايا مرغان بے زباں کو

 گل کو زبان دے کر تعليم خامشی دی

 نظارئہ شفق کی خوبی زوال ميں تھی

 چمکا کے اس پری کو تھوڑی سی زندگی دی

 رنگيں کيا سحر کو، بانکی دلھن کی صورت

 پہنا کے لال جوڑا شبنم کی آرسی دی

 سايہ ديا شجر کو، پرواز دی ہوا کو

 پانی کو دی روانی، موجوں کو بے کلی دی

 يہ امتياز ليکن اک بات ہے ہماری

 جگنو کا دن وہی ہے جو رات ہے ہماری

 حسن ازل کی پيدا ہر چيز ميں جھلک ہے

 انساں ميں وہ سخن ہے، غنچے ميں وہ چٹک ہے

 يہ چاند آسماں کا شاعر کا دل ہے گويا

 واں چاندنی ہے جو کچھ، ياں درد کی کسک ہے

 انداز گفتگو نے دھوکے ديے ہيں ورنہ

 نغمہ ہے بوئے بلبل، بو پھول کی چہک ہے

 کثرت ميں ہو گيا ہے وحدت کا راز مخفی

 جگنو ميں جو چمک ہے وہ پھول ميں مہک ہے

 يہ اختلاف پھر کيوں ہنگاموں کا محل ہو

 ہر شے ميں جبکہ پنہاں خاموشی ازل ہو

(بانگ درا)

जुगनू۔۔۔۔۔ अल्लामा मुहम्मद इक़बाल

 जुगनू की रोशनी है काशाना-ए-चमन में

 या शम्मा जल रही है फूलों की अंजुमन में

 आया है आसमां से उड़ कर कोई सितारा

 या जान पड़ गई है महताब की किरण में

 या शब की सलतनत में दिन का सफ़ीर आया

 ग़ुर्बत में आ के चमका, गुमनाम था वतन में

 तुक्मा कोई गिरा है महताब की क़बा का

ज़र्रा है या नुमायां सूरज के पैरहन में

 हुस्ने क़दीम की ये पोशीदा इक झलक थी

 ले आई जिसको क़ुदरत ख़लवत से अंजुमन में

 छोटे से चांद में है ज़ुल्मत भी रोशनी भी

 निकला कभी गहन से, आया कभी गहन में

परवाना इक पतंगा, जुगनू भी इक पतंगा

 वो रोशनी का तालिब, ये रोशनी सरापा

 हर चीज़ को जहां में क़ुदरत ने दिलबरी दी

 परवाने को तपिश दी, जुगनू को रोशनी दी

 रंगीं-नवा बनाया मुर्ग़ान बे-ज़बाँ को

 गुल को ज़बान देकर तालीम ख़ामुशी दी

नज़ारा शफ़क़ की ख़ूबी ज़वाल में थी

 चमका के इस परी को थोड़ी सी ज़िंदगी दी

रंगीं किया सहर को, बाँकी दुल्हन की सूरत

 पहना के लाल जोड़ा शबनम की आरसी दी

 साया दिया शजर को, परवाज़ दी हवा को

 पानी को दी रवानी, मौजों को बे-कली दी

 ये इमतियाज़ लेकिन इक बात है हमारी

 जुगनू का दिन वही है जो रात है हमारी

 हुस्न-ए-अज़ल की पैदा हर चीज़ में झलक है

 इंसां में वो सुख़न है, ग़ुंचे में वो चटक है

 ये चांद आसमां का शायर का दिल है गोया

 वां चांदनी है जो कुछ, याँ दर्द की कसक है

 अंदाज़-ए-गुफ़्तुगू ने धोके दिए हैं वर्ना

नग़मा है बूए बुलबुल, बू फूल की चहक है

 कसरत में हो गया है वहदत का राज़ मख़फ़ी

 जुगनू में जो चमक है वो फूल में महक है

 ये इख़तिलाफ़ फिर क्यों हंगामों का महल हो

 हर शैय में जबकि पिनहां ख़ामोशी अज़ल हो

(बांगे दरा)

Advertisements

زمرے

%d bloggers like this: